| 一心諗住Clearing Round有翻offer o既我,夢再次落空喇 由幼稚園到中6我一直都係靠運升翻,但睇黎我o的運己經用盡. 高考完到而家我一直冇諗過惦番商科,老實講我真係完全冇興趣 但因為對商有少少底o既關係,我決定左讀city asso. o既accounting,即係話黎緊我會繼續讀商至少一年 AL有C唔係大哂,中7入得去讀asso o既講真個個都希望一年上得番degree 或者我一開波係會有少少優勢,但唔勤力就一定好快俾人追倒 但放心,條路係我自己揀o既,我一定會好俾心機 好多人都知道我o既志願係做記者 放左榜之後好多人問我其實係咪真係咁鍾意新聞 因為我英文唔好,普通話唔識,時事觸覺又冇咩 都搞到我亂亂地 但我而家可以話你聽,我愛做記者愛到死 英文唔好我會練,普通話唔識我會學, 冇時事觸覺,我會日日狂煲報紙 雖然時間會係遲一年,方法亦會唔同左 但浸大傳理系到呢一刻仲係我o既目標 十年後o係新聞界闖出名堂仍然係我夢想 有唔少朋友都勸過我去外國讀書 我唔係唔想,只係覺得未係時候 去外國我目標剩係拎左個degree翻黎就算,咁做法即係燒緊老豆老母o的錢 我希望係去學倒野 但講真,我連香港o既大學都入唔倒,我完全冇信心我會o係外國做倒o的成績翻黎 與其去到頹,倒不如o係香港讀住先,一年廿幾三十萬我真係燒唔起 我目標係o係香港拎左degree先,覺得有需要,準備好哂先去外國 如果asso都升唔翻degree,就證明我唔係讀書o既材料,走都哂氣 Main Round放果陣我成日埋怨點解咁多人成績差過我都有offer 不過其實我完全係衰自視過高,jupas亂咁揀,係自己柒 我唔係衰o係個system度,係衰自己. 我相信有志者事竟成,雖然我獲獲都收皮 但見倒一位以前o既同班同學會考衰左憑勤力高考可以屈哂機 我相信我都可以. 除低ST.JO校服,我唔再係ST.JO仔 黎緊呢一年我都會改哂自己d大ST.JO主義,重新黎過. |
